*** वाळुचे घर ***

*** वाळुचे घर ***
शेणाचे ना मेणाचे होते
माझे घर वाळुचे होते.........

कावळा हि मज जैसा बुद्धु
पण चिमणीला डोके होते
माझे घर वाळुचे होते.........

रंगित सुंदर शिंपले
अन् छतावरती तारे होते
माझे घर वाळुचे होते.........

सुखाला सीमा नव्हती
ना दुःखाचे वारे होते
माझे घर वाळुचे होते.........

शांत शांत त्या समुद्र किनारी
घरात हसरे गाणे होते
माझे घर वाळुचे होते.........

अजस्त्र लाट ती घेउन गेली
जे जे मज समिप होते
माझे घर वाळुचे होते.........
माझे घर वाळुचे होते.........---------------प्रियांका

तुझ्या आठवणीचा पाऊस

तुझ्या आठवणीचा पाऊस
मला चिंब चिंब करतो

कधी कोरडाच येतो
कधी रिमझीम बरसतो
कधी अश्रुंचा पूर घेवून येतो

आवडत मला या पावसात भिजायला
तुझ्या आठवणीत न्हाऊन निघायला

तुला हि आवडत का रे
या पावसात भिजायला?

आवडेल का तुला?
माझ्या आठवणीत न्हाऊन निघायला

भोगी (पुरुष)

भोगी (पुरुष)

नको ठेवूस सखे स्त्रिये तू
विश्वास कोणा पुरुषावरती
तुझ्या शिलाचे फक्त भोगत
े त्यांना कोणाची लाज न भिती

रुप न बघतील गुण न बघतील
पुरुषाची फक्त तुझ्या शिलावर प्रिती
तू माणशील त्याला देव माणूस
पण धोका देणे हीच त्याची नियती

विश्वास ठेव अगर ठेवू नकोस
पाशवी हिच त्याची वृत्ति

---------- सख्या येरे परतुनी ------------------

लागते ग ओढ सख्याची
कसे आवरू गं मनाला
सखा माझा दूरदेशी
कसे सावरु गं मनाला

सखा येईल परतुनी
वाट त्याची गं पाहते
स्वागतास गं त्याच्या
चंद्र तार्यास बोलाविते

सखा येईल एक दिनी
घेईल मला गं कुशीत
विसरीन सारी दुनिया
त्याच्या गोड बाहुपाशात

सख्या येरे परतुनी
वाट पाह्ते रे तुझी
तुझ्या एका दर्शनाने
धन्य होईल सखी तुझी

-------------आभास-------------
शांत शांत
एकांत
हात तुझा
हातात

मन माझे
बेभान
चित्त तुझ
े डोळ्यात

तुझा माझा
संवाद
शब्दांविणा
शब्दांत

अचानक...........

आड येई
प्राक्तन
दूर तुज
नेण्यास

किती केला
आकांत
कमी पडे
प्रयास

जळी - स्थळी
आता रे
फक्त तुझा
आभास

---------- नाते तुझे नी माझे ------------

पिता, भाऊ, मित्र, पती आणि पुत्र
किती वेगळे हे शब्द
प्रत्येकाचा अर्थ निराळा
प्रत्येकाचा भाव निराळा

पण तुझ्यासाठी
हे सारे शब्द एकच होतात
अन माझ्यासाठी
हे सारे शब्द सार्थकी लागतात.

पित्यासारखी मायेची पाखरण करतोस
भावासारखी खंबीर साथ देतोस
मित्राचा निस्वार्थी सहवास देतोस
पतीचा प्रेमळ स्पर्श देतोस
पुत्रासारखा लाडीक लळा लावतोस

तु अन मी
अनेक नात्यांनी बांधले आहोत
आपले हे सुंदर नाते
आयुष्यभर आपण जपणार आहोत